Valideynlər uşaqlarıyla əlaqədar olaraq bir çox  hüquqi problemlərlə hüquqşünasa  müraciət edirlər ki,bu da uşaqlarda çox zaman psixoloji problemlərin yaranmasına səbəb olur. Bu psixoloji problemlərin yaranmasına səbəb bir cox amillər ola bilər.Bunlardan konfliktli ailələr,natamam ailələr,aztəminatlı ailələr,ailədə uşağın ata və ya anası tərəfindən zorakılığa məruz qalması və s. bu kimi amillər erkən uşaqlıq dövründə yetkinləşən beyinə təsir edə bilər.Bu halların qarşısının alınmasında məktəb psixoloqlarınında çox böyük rolu var.Çünki uşaq günün bir qismini ailədə,bir qismini isə məktəbdə keçirir.Uşaqlar müəssisələrdə müəllim və tərbiyəçilər tərəfindən bir sıra zorakılıq, sui istifadə və laqeyd hallarla rastlaşırlar.Uşaqların üzləşdiyi zorakılıq halları sırasında ən çox rast gəlinən hal müəllimlər və tərbiyəçilər tərəfindən döyülməkdir.Uşaqların psixoloji durumunun pozulmasına uşaqların valideynlərindən birinin və ya hər ikisinin rəhmətə getməsi,valideynlərin boşanması,ailənin maddi imkanın zəif olması,mənzilin olmaması,valideynlərdən birinin və ya hər ikisinin cəzaçəkmə müəssisəsində olması və s. bu kimi səbəblər ola bilər.Psixoloqlar problemi olan ailələrdə valideynlərlə,yəni hər iki tərəflə söhbət apara və bu problemlərin uşağın gələcək həyatında hansı fəsadların qoyması barədə məlumat verə bilərlər.Uşaq hüquqları insan hüquqlarının tərkib hissəsidir.Bu hüquqlara yaşamaq,danışmaq, fikirləşmək,digər insanlar tərəfindən ədalətli və layiqli münasibət və bir çox digər hüquqlar da aiddir.Yaşadığımız cəmiyyətin daha da ədalətli olması üçün biz öz hüquqlarımızı öyrənməli və bu hüquqların qorunmaqda olduğunu bilməliyik.“İnsan Hüquqlarının” əsas məqsədi özlərini qoruya bilməyən əhalinin ən zəyif təbəqələrindən olan insanları qorumaqdan ibarətdir.Hüquqlar fərq olmadan bütün kişi, qadınlara və uşaqlara məxsusdur,və insan cəmiyyətində yaşamaq o deməkdir ki,biz yaşayarkən öz hüquqlarımızı həyata keçirərkən digər insanların hüquqlarına da hörmət edir və onları nəzərə alasınız,bunuda əlavə etmək lazımdır ki,“Bizim azadlığımız digər insanların azadlığı başlayanda bitir”.
“İnsan hüquqları” dövlətlə qarşılıqlı münasıbətdə hər bir insana məxsus olan başlıca əxlaqi və hüquqi haqlardır.İnsan hüquqları və dövlət hakimiyyətinin məhdudlaşdırılması ideyası üç müddəaya əsaslanır:

1. hər bir insan doğulduğu gündən böyük təkrarolunmaz və qiymətli bir varlıqdır,onun öz muxtariyyəti və ləyaqəti var; insanın ləyaqətinə toxunaraq onun muxtariyyətinə müdaxilə etməyə dövlətin ixtiyarı yoxdur;
2. hər bir kəs öz hüquqlarını qoruyaraq dövlət qarşısında tələblər irəli sürə bilər.

Ayrılmaz hüquqları insan ona görə doğulan gündəcə qazanır ki,o
insandır.Bu hüquqlar eyni dərəcədə həm cəmiyyətin yaşlı nümayəndəsinə,həm uşağa,həm hörmətli adama,həm də cinayətkara məxsusdur.
İnsan hüquqlarının bir qismi ayrılmaz hüquqlardır! Dövlət insanı
onun hüquqlarından məhrum edə bilməz.Hətta insanın özü belə könünllü olaraq öz hüquqlarından imtina edə bilməz.Əgər bir adam sənəd imzalayıb könüllü şəkildə azadlıqdan imtina edərsə və özünü qula çevirərsə,bu sənəd məhkəmədə həqiqi sənəd sayılmaz.Lakin insan qərar verib özünü mülkiyyətdən təcrid edə bilər,çünki mülkiyyət hüququ insanın ayrılmaz hüquqlarından deyil.
Valideynlər öz uşaqları barəsində bərabər hüquq və vəzifələrə malikdirlər.Valideynlər uşaqlarını tərbiyə etmək hüququna malikdirlər və uşaqlarını tərbiyə etməyə borcludurlar.Valideynlər uşaqların tərbiyəsinə,sağlamlığına və onların psixi,fiziki,mənəvi inkişafına görə məsuliyyət daşıyırlar.Vadeynlər digər şəxslərlə  müqayisədə öz uşaqlarını tərbiyəsində üstün hüquqlara malikdirlər.Valideynlər uşaqların əsas ümumi təhsil almasını təmin etməyə borcludurlar.Valideynlər uşaqların ümumi orta təhsil almasına qədər onların maraqlarını nəzərə almaqla təhsil müəssisəsini və təhsil formasını seçmək hüququna malikdirlər.Dövlət valideynlərin bu hüquq və vəzifələrinə qanunda nəzərdə tutulmuş qaydada yalnız uşağın mənafeyi tələb etdiyi hallarda müdaxilə edə bilər.Ailədə hüquqi problem olduqda bu ilk növbədə uşaqlara təsir edir.Bu zaman ailə problemin olmasına bağmayaraq valideynlər uşaqların hüquq və mənafelərini müdafiə etməlidirlər.Valideynlər uşaqların hüquq və mənafelərini müdafiə etməlidirlər.Valideynlər uşaqlarının qanuni nümayəndəsi kimi onları məhkəmələrdə,habelə hər hansı fiziki,hüquqi şəxslərlə əlaqədar hüquqlarını və maraqlarını buna səlahiyyət almadan müdafiə edə bilər.Valideynlik hüquqları uşaqların mənafeyinə zidd həyata keçirilə bilməz.Valideynlik hüquqlarını həyata keçirərkən valideynlər uşaqların mənəvi inkişafına,fiziki və psixi sağlamlığına xələl yetirməməlidirlər.Uşaqların tərbiyəsində onların istismarına,təhqir edilməsinə, mənəviyyatınınal çaldılmasına, qəddarlığa, kobudluğa, biganəliyə yol verilə bilməz.Valideynlik hüquqlarını həyata keçirərkən uşaqların hüquq və mənafelərinə ziyan vuran valideynlər qanunvericiliklə müəyyən olunmuş qaydada məsuliyyət daşıyır.Uşaqların tərbiyə və təhsilinə aid olan bütün məsələlər uşaqların hüquq və mənafeləri,onların rəyi nəzərə alınmaqla,valideynlərin qarşılıqlı razılığı əsasında həll olunur.Valideynlərin qarşılıqlı razılığı əsasında həll edə bilmədikdə məhkəməyə müraciət edə bilərlər.