. Bu sözləri “Azadinform”a müsahibəsində Azərbaycan “Uşaq Qaynar Xətt” xidmətinin direktoru Cəmilə Tağıyeva deyib. Onun sözlərinə görə, müraciətlərin 668-i psixoloji problemlər, 394-ü təhsil məsələləri, 167-i sosial sahə məsələləri, 88-i hüquqi, 39-u isə səhiyyə sahəsi ilə bağlıdır. C.Tağıyeva bildirib ki, “Uşaq Qaynaq Xətti”nə müraciət edən uşaqlar müxtəlif yaş qruplarını əhatə edir. 13-17 yaş qrupuna aid olan uşaqlar üstünlük təşkil edir. Bu yaş dövründə bir çox uşaqlarda müəyyən psixoloji problemlər mövcud olur ki, bu da həmin yaşın böhran dövrü ilə bağlıdır. Uşaqların problemləri əsasən ailədən qaynaqlanır. Bu uşaqlar aztəminatlı ailələrdən olan, daimi yaşayış yeri olmayan uşaqlardır. Müraciət edən uşaqların əsas problemləri ailə üzvləri tərəfindən laqeyd münasibət, ayrı seçkilik və uşaqların əlavə fiziki cəzalandırılmalarıdır. C.Tağıyeva “Uşaq Qaynar Xətt”inə müraciətlərin ən çox Bakıdan olduğunu, bunun da şəhərlərarası əlaqənin mobil telefonla bağlılığında görüb. O yaşda uşaqların təbii ki, kontur problemləri var. Bu səbəbdən çalışırıq ki, imkan daxilində onlar bizə zəng vuranda onlarla əlaqə qurub danışaq. Regionlara çıxışımız çox çətindir, “Uşaq Qaynar Xətt”inin açılış mərasimində media orqanları tədbiri yayımlayandan sonra müraciət edənlərin sayı artdı. Xüsusilə də bu ili fevral ayında “İç xəbər” proqramı xidmətimiz barədə məlumat verdiyi üçün statistik nəticələr də göstərir ki, fevral ayında bizə müraciət edənlərin sayı artıb və bu regionları əhatə edir. Regionların daha geniş məlumatlandırılması üçün reklam roliklərinin yayımlanması vacibdir. Bunların hamısı vəsait tələb etdiyi üçün bizə maneələr törədir. “Qaynar xətt” nömrələrinin üç rəqəmdən ibarət olması üçün Rabitə və İnformasiya Texnologiyaları Nazirliyinə keçən il rəsmi məktubla müraciət etmişik. Onlar bildiriblər ki, 3 rəqəmli nömrə ilə şəhərlərarası əlaqə alınmır. Biz istəyirik beynəlxalq standartlara uyğun nömrələr əldə edək. Danışıqlar gedir, ümid edirik ki, bu nömrələri nazirlikdən alacağıq. 

“Uşaq Qaynar Xətt” xidmətinin direktoru valideynlərin psixoloqlarla görüşdə çox passiv olduğunu bildirib. “Biz valideynləri dəvət edirik, bəzən məktəblərdə valideynlərlə görüşlər təşkil edirik. Lakin bir çox uşaqları xidmətimizdə cəlb edən əsas ünsür məhz məxfilik prinsipidir. Uşaq zəng vurur bilir ki, anonim qalır. Bizi onun adı maraqlandırmır. Bizə yaşı, sosial vəziyyəti, problemin kateqoriyası maraqlıdır. Uşaq zəng vurur, danışır, problemini, psixoloq ona yardım göstərir. Bəzən uşağa onun valideynləri ilə bu barədə danışmağımız təklif olunur, bütün hallarda uşaqlar valideynlərinin müraciət etdiklərini bilmələrini istəmirlər. Biz uşaqların təhlükəsizliyini nəzərə alaraq onlarla əlaqə saxlamırıq. 
C.Tağıyeva bildirib ki, biz “Beynəlxalq Uşaq Qaynar Xətlər Təşkilatı”nın tam hüquqlu üzvüyük və hər il bu konfransda iştirak edərək digər ölkələrin nümayəndələri ilə bu problemləri müzakirə edirik. 

“Uşaq Qaynar Xətt”inə hətta erkən nigaha girən 2-3 nəfər də müraciət edib. Adətən hamı düşünür ki, rayonlarda uşaqları erkən nikaha sövq edirlər, amma Bakının mərkəzində dəfələrlə bu tip hadisələrlə bağlı bizə müraciət ediblər. Təəssüf ki, həmin qızlardan da çox, rəfiqələri onların taleyi ilə bağlı bizi məlumatlandırır. Bilmək istəyirlər ki, onların valideyninin qızlarını erkən nikaha məcbur etməyə nə dərəcədə hüquqları var. Hüquqşünaslarımız onlara bunun qeyri- qanuni olduğu barədə məlumatlandırıblar. Bu işdə bizə “Azercell Telekom” texniki və maddi dəstək göstərir. Təhsil Nazirliyi daima bizimlə bu məsələlərdə həmrəydir”,-deyə “Uşaq Qaynar Xətt” xidmətinin direktoru vurğulayıb.

C. Tağıyeva sonda media nümayəndələrinə də müraciət edib: “Biz bundan heç bir maddi mənfəət güdmürük, xidmətlərimiz pulsuzdur. Məqsədimiz uşaqlara yardım etməkdir. Uşaqların vəziyyətini vaxtında müəyyən etmək, gələcəkdə başqa fəsadlara gətirməmək üçün media orqanlarından özəlliklə telekanalların rəhbərlərindən bizə dəstək olmalarını istəyirik”.