İnternet tədris üçün olduğu kimi, istirahət və dostlarla ünsiyyət üçün də əla bir vasitə sayıla bilər. Ancaq bütün gerçək aləm kimi, şəbəkənin də təhlükəsi yox deyildir. Uşaqlara sərbəst şəkildə İnternetə giriş verməzdən öncə onlara bəzi məqamları izah etmək lazımdır.

Uşaqlarınıza İnternetdə mümkün təhlükələr barədə danışın və onları çətin durumlardan düzgün çıxmağa alışdırın. Söhbətin sonunda İnternetdən istifadə ilə bağlı bəlli məhdudiyyətlər müəyyənləşdirin və onları uşaqlarla müzakirə edin. Siz əl-ələ verib uşaqlarınız üçün İnternetdə rahatlıq və təhlükəsiz mühit yarada bilərsiniz.

Əgər nədən başlamağa əmin deyilsinizsə, biz sizə uşaqlarınızın İnternetdən təhlükəsiz istifadəsi ilə bağlı bir neçə ideya veririk:
• uşaqlar üçün İnternetdə iş qaydaları müəyyən edin və bu işin üstündə durun;
• uşaqları gizli məlumatları qorumaq üçün aşağıdakı təhlükəsizlik tədbirlərini görməyə alışdırın:
-    özünü təqdim edərkən yalnız ad və ya ləqəbdən istifadə etməli;
-    heç vaxt telefon nömrəsi, yaxud da yaşadığı və ya oxuduğu yerin ünvanını elan etməməli;
-    heç zaman öz fotoşəkillərini göndərməməli;
-    uşaqlara İnternet vasitəsilə tanış olduqları adamlarla böyüklərin nəzarəti olmadan görüşməyə heç vaxt icazə verməməli;
•    uşaqlara izah edin ki, düzgün və düzgün olmayan arasındakı fərq gerçək həyatda olduğu kimi, İnternetdə də eynidir;
•    uşaqları intuisiyalarına etibar etməyə alışdırın. Əgər İnternetdə onları nə isə narahat edərsə, onda onlar bu haqda sizi xəbərdar etməlidirlər;
•    Əgər uşaqlar qeydiyyat adı tələb olunan söhbətdə ünsiyyətdədirlərsə, ani məlumat mübadiləsi proqramından istifadə edirlərsə, oyun oynayırlarsa və ya digər işlərlə məşğuldurlarsa, onlara seçimdə kömək göstərin və əmin olun ki, onda heç bir şəxsi məlumat saxlanmayıb.
•    Uşaqlarınıza İnternetdə başqalarına hörmət etməyi öyrədin. Əmin olun ki, onlar nümunəvi ədəb qaydalarının hər yerdə, hətta virtual aləmdə belə fəaliyyət göstərdiyi barədə bilirlər.
•    Təkid edin ki, uşaqlar İnternetdə başqalarının mülkiyyətinə hörmət etsinlər. İzah edin ki, başqasına mənsub olan işin – musiqi, kompüter oyunları və digər proqramların qanunsuz olaraq köçürülməsi oğurluq sayılır.
•    Uşaqlara deyin ki, onlar heç zaman İnternetdə tanış olduqları dostlarla görüşməsinlər. İzah edin ki,  həmin adamlar bəzən  heç də  özlərini qələmə verdikləri şəxs olmurlar.
•    Uşaqlara deyin ki, heç də onların İnternetdə gördüyü və ya oxuduğu hər şey düz olmur. Əgər onlar inamsızdırlarsa, onda sizdən soruşmalarına alışdırın.
•    Müasir proqramların köməyi ilə uşaqların İnternetdəki fəaliyyətlərini nəzarətdə saxlayın. Onlar ziyanlı tərkibdə olanları süzgəcdən keçirməyə kömək edər, uşağın hansı saytı ziyarət etdiyini və orada nə işlə məşğul olduğunu aydınlaşdırar.
•    Uşaqları İnternetdəki təcrübələrini sizinlə bölüşdürmələrinə həvəsləndirin. Şəbəkəni uşaqlarla birlikdə ziyarət edin. Yoxlamaq üçün müntəzəm olaraq onun İnternet-gündəliyə (əgər o, belə gündəlik aparırsa) baş çəkin.
•    Öz uşaqlarınıza qarşı diqqətli olun!