Məktəb şuraları bu təlimatların yerinə yetirilməsi üçün ictimaiyyətin dəstəyinə və əməkdaşlığına da əmin olmalıdır.
Peşəkarlar və ictimai xidmət təşkilatlarının – məsələn, polis, ailə və uşaqlara kömək təşkilatları, istirahət və əyləncə xidmətləri, valideyn mərkəzləri, əlil  və fiziki çatışmamazlıqları olan uşaqlarla məşğul olan valideyn cəmiyyətləri, uşaqlara qayğı təşkilatları, kitabxanalar, tibbi, psixoloji və sosial yardım təşkilatlarının təklif etdikləri müxtəlif proqram və xidmətlər məktəblərdə zorakılıq hallarının azaldılması işinə çox kömək ola bilər.
Ətraf cəmiyyətin bütün üzvləri də (qonşular, dükan sahibləri, ətraf ərazidə işləyənlər) bu proseslərdən faydalanacaqlarına görə onlarla da əməkdaşlıq vacibdir. Onların gördükləri və ətraf ərazilərdə baş verən zorakılıq hadisələri barədə məlumatlar verməsi bu işlərin effektivliyinə təsir edəcəkdir. Bu işlərə uşaqlarla könüllü olaraq işləmək arzusunda olan və uşaqlarla yaxşı dil tapan, ünsiyyət quran və onlara nümуnə ola biləcək şəxslər cəlb oluna bilər. İcma liderləri, belə ki, QHT-lər, bələdiyyələr, böyüklərin birlik və təşkilatları kimi ictimai təşkilatlar da çox qiymətli resurslardır.
Məktəblərin cəmiyyət haqqında ətraflı məlumatlı olmalı və onlar uşaqlara cəmiyyətdə mövcud təhlükələr və ya zorakılıq halları barədə geniş məlumat verməlidilər.

İctimaiyyətlə güclü əməkdaşlıq əlaqələri quran məktəb şuraları və məktəblər müsbət, etibarlı və təhlükəsiz məkbət şəraitinə tez nail olacaqlar.