Zorakılıq əleyhinə təlimatların hazırlanması və yerinə yetirilməsində uşaqların iştirakı çox əhəmiyyətlidir və bu işdə müxtəlif qruplardan olan uşaqlar iştirak etməlidirlər. Məktəb şuraları və məktəblər bütün yaş kateqoriyalarına aid uşaqların buna cəlb edilməsi yollarını fikirləşməlidirlər.
Uşaqlar çox erkən yaşlardan zorakı davranışların ağır nəticələri barədə məlumatlandırılmalı və onlara bu davranışların normadan kənar və qəbul edilməz, yolverilməz olduğu başa salınmalıdır.

Məktəb şuraları tərəfindən hazırlanan zorakılıq əleyhinə təlimatlar uşaqların öz cavabdehlikləri barədə məlumatlandırılmasını və onların öz yaşıdlarına necə kömək etməsi yollarını təsvir etməlidir. Yalnız bu halda bütün uşaqların zorakılıqdan uzaq bir həyat yaşamalarına nail olmaq olar. Məktəblər uşaqların iştirakı ilə olan məktəb təhlükəsizlik komitələri, öz yaşıdlarına yardım proqramları, tərbiyəvi proqramlar, zorakılıq barədə məlumatlandırma həftələri və ya tədbirləri, kooperativ fəaliyyət klubları, xüsusi yığıncaqlar və zorakılıqdan uzaq günlər kimi fəaliyyətlərin  və strategiyaların hazırlanmasına və yerinə yetirilməsinə dəstək verməli və yardım etməlidilər.

Uşaqların bu kimi proqramlara cəlb edilməsi çox vacibdir. Bu tədbirlərdə iştirak etməklə uşaqların məktəblərə qarşı məsuliyyət, cavabdehlik hissləri formalaşır və artır. Uşaqların adətən zorakılığa gətirib çıxaran əsas mövzulara böyük maraqları və həvəslərinin olduğunu nəzərə alsaq, onda onların bu məsələlərin həllinə verəcəkləri təkliflərdən də bəhrələnmək olar (yəni həll yolunu onların təklifləri əsasında araşdırmaq).

Bütün işçilərin iştirakı
Zorakılıq əleyhinə tədbirlər planının müvəffəqiyyətlə yerinə yetirilməsində təhlükəsiz, xoş, arzu olunan və zorakılıqdan uzaq məktəb məqsədi güdən aьıllı və bacarıqlı işçi heyətinın iştirakına  çox ehtiyac vardır. Onlar bu qaydaların hazırlanmasında, yerinə yetirilməsində, qiymətləndirilməsində və yenidən nəzərdən keçirilməsində yaxından iştirak etməlidirlər. Onlar bu qayda və proqramların effektiv hazırlanması və yerinə yetirilməsində praktiki təkliflər verərək  işçilərin təkmilləşməsində prioritetlərin müəyyənləşdirilməsinə kömək edə bilərlər. Təlimatların effektivliyi üçün, onların  işçilər tərəfindən dəstəklənməsi və burada qeyd olunan rol və məsuliyyətlərinə cavabdehliyi də çox vacib amildir.