..:: Uşaq Qaynar Xətti ::..

Bizim haqda daha ətraflı...

Maraqlı, məsləhətli mövzular

Uşaq Qaynar Xəttinə zəng edərkən mənimlə aparılan söhbət necə olacaq?

Uşaq Qaynar Xəttinə zəng edərkən mənimlə aparılan söhbət necə olacaq?
İstədiyim an danışığı kəsə bilərəmmi?
Uşaq qaynar xəttinə edilən zənglər məxfidirmi və mənim anonimliyim qorunurmu?
Mənim zəng etdiyim telefonun nömrəsi sizin telefonun yaddaşında qalacaqmı?
Mən Uşaq Qaynar Xəttinə nə ilə bağlı zəng edə bilərəm?
Mən Uşaq Qaynar Xəttinə zəng etdiyim zaman nə baş verəcək?
Uşaq Qaynar Xətti ilə əlaqə yaratmağın digər yolları
Evi tərk edən uşaqlar üçün xüsusi telefon nömrəsi

Uşaq Qaynar Xəttinə zəng edərkən mənimlə aparılan söhbət necə olacaq?
Bizə zəng edərkən öz adınızı və Sizə bağlı olan hər hansı məlumatı verməmək imkanına malik olmaqla, keçirdiyiniz hisslərdən asılı olaraq, istənilən mövzu haqqında danışa bilərsiniz. Bundan əlavə, Sizi sevindirən və ya keçirdiyiniz hisslər haqqında danışa bilərsiniz. Həmçinin, biz Sizin suallarınıza cavab verə bilərik. Eyni zamanda, sizə kömək etmək üçün müəyyən suallar verə bilərik. Lakin siz bu suallara cavab vermək istəmirsinizsə, o zaman cavab verməkdən imtina etmək imkanına maliksiniz. Etdiyiniz birinci zəng zamanı əgər söhbət alınmayıbsa, yenidən zəng vurmaq imkanına maliksiniz.

İstədiyim an danışığı kəsə bilərəmmi?
Bizə zəng etdiyiniz zaman danışığa Siz nəzarət edirsiniz, belə ki, istədiyiniz an söhbəti dayandıra bilərsiniz. Sonradan yenidən zəng vura bilərsiniz. Biz 24 saat ərzində xətdə oluruq.

Uşaq qaynar xəttinə edilən zənglər məxfidirmi və mənim anonimliyim qorunurmu?

Bizim ən vacib məqsədlərimizdən biri Qaynar Xəttə edilən zənglərin məxfi saxlanılmasıdır, lakin əgər biz sizin situasiyanın nə dərəcədə riskli olmasını biliriksə və sizin və yaxud tanıdığınız hər hansı birisinin həyatı üçün təhlükə yarandığını fikirləşirsinizsə, biz sizi dinləyərək digər lazımi şəxsləri də məlumatlandıracağıq. Qaynar Xəttin işçiləri həyatınız üçün təhlükə yarandığı zaman Sizə adınızı gizli saxlamaqla kömək edə bilərlər. Bura zəng edərkən Siz özünüz haqqında informasiyaları və ya adınızı anonim saxlaya bilərsiniz, bu daha yaxşıdır. əlbəttə, bu, bizim Sizə kömək etmək məqsədilə həyata keçirəcəyimiz tədbirlərə maneələr törədəcək. Qaynar Xəttə edilən zənglərin audio yazısı qeydə alınmayacaq. Qaynar Xəttin məsləhətçiləri Sizin zəngləri qəbul edərək onları dinləyir və Sizi əmin etmək istəyirlər ki, onlar Sizə yardım edə bilərlər.

Mənim zəng etdiyim telefonun nömrəsi sizin telefonun yaddaşında qalacaqmı?
Uşaq Qaynar Xətti uşaqlar üçün yaradılmış yardım xidmətidir ki, bura daxil olan zənglər pulsuzdur və nömrələr telefonun yaddaşında qalmır. Uşaq Qaynar Xəttinin şəhərdaxili nömrəsi -480-22-80 və ya 050-680-22-80 Azercell mobil operatorunun nömrəsidir. Biz digər mobil operatorlarla da danışıqlar aparırıq ki, onlardan edilən zənglər pulsuz olsun və nömrə yaddaşda qalmasın. Nömrə sizin yaddaş səhifənizdə və mobil telefonun yaddaşında qala bilər. Əgər siz digər insanların bu nömrəni görməsini istəmirsinizsə, nömrəni öz telefonunuzdan silə bilərsiniz.

Mən Uşaq Qaynar Xəttinə nə ilə bağlı zəng edə bilərəm?
Siz Uşaq Qaynar Xəttinə istənilən problemlə bağlı zəng edə bilərsiniz? Əgər Sizdə qorxu hissi və ya özünənəzarətin itirilməsi və ya kiminləsə yalnız danışmaq ehtiyacı varsa, Siz Uşaq Qaynar Xəttinə zəng vura bilərsən. İnsanların bu xəttə müraciətinin səbəbləri ən çox bunlar ola bilər:

Narahatçılığınız olarsa, biz özünüzü hazır hesab etdiyiniz zaman Sizə dəstək və yardım göstərə bilərik. Uşaq Qaynar Xəttinin nömrələri: 4802280 və ya 050-680-22-80.

Mən Uşaq Qaynar Xəttinə zəng etdiyim zaman nə baş verəcək?

Uşaq Qaynar Xəttinə zəng etdiyiniz zaman Siz problemlərinizi eşidə biləcək kiminləsə danışmaq imkanı əldə edirsiniz. Məsləhətçilərin hamısı təlim görmüşlər və Sizi dinləyərək yardım etməyə çalışacaqlar. Əgər siz qorxursunuzsa və ya özünənəzarəti itirmişinizsə, narahatçılığa əsas yoxdur. Siz bizimlə danışa bilərsiniz. İşimiz Sizi dinləməkdən ibarətdir və hərdən Sizə yardım edə biləcək şəxsə doğru istiqamətləndirməkdir. Düzdür, özünüzün problemləriniz və hissləriniz haqda danışmaq bir qədər çətindir lakin, əmin olun ki, Siz düzgün hərəkət edirsiniz. Başa düşün ki, problemlərinizi Sizi anlayacaq bir şəxsə danışaraq özünüzü yaxşı hiss edə bilərsiniz. Əgər Siz telefonda öz problemlərinizi danışmaqdan qorxur və ya danışmaqdan çəkinirsinizsə, bunu Sizin icazəniz və istəyinizlə Sizə yaxın şəxs bunu edə bilər.

Uşaq Qaynar Xəttinin zəngləri məxfidir. Burada Siz istədiyiniz zaman istədiyiniz mövzu haqda istədiyiniz adamla danışa bilərsiniz. Sizin Uşaq Qaynar Xəttinin əməkdaşları yalnız fövqəladə vəziyyətlərdə hər hansı tədbirləri yerinə yetirə bilər.

Mən rus dilində danışa bilərəmmi?
Bəli. Bizim məsləhətçilər rus dilində də danışır və Sizə yardım etməyə hər an hazırdırlar. Məsləhətçilərimiz Azərbaycan və Rus dillərində danışmaq imkanına malikdirlər.

Mən Uşaq Qaynar Xəttinə zəng edə bilməsəm nə baş verə bilər?
Biz bir neçə uşaqdan zəng qəbul etmək imkanına malikik. Lakin bəzən belə də ola bilər ki, ilk dəfədən bizə zəng edə bilməzsiniz. Belə bir halla rastlaşdıqda bir daha cəhd etmənizi xahiş edirik. Sizin zənginizə mümkün qədər tez cavab verməyə çalışacağıq.

Zəng etdiyim nömrə qaynar xəttin yaddaşında qalacaqmı?
Uşaq Qaynar Xətti uşaqlar üçün yardım xidmət kimi yaradıldığı üçün zənglər pulsuzdur və nömrələr yaddaşda saxlanılmır. Uşaq Qaynar Xəttinin nömrələri: 4802280 və ya 050 680 22 80 Biz digər mobil operatorları ilə danışıqlar aparırıq ki, onlardan edilən zənglər pulsuz olsun və nömrə yaddaşda qalmasın. Nömrə sizin yaddaş səhifənizdə və mobil telefonun yaddaşında qala bilər. əgər siz digər insanların bu nömrəni görməsini istəmirsinizsə, nömrəni öz telefonunuzdan silə bilərsiniz.

Mobil telefonlardan Uşaq Qaynar Xəttinə edilən zənglər pulsuzdurmu?
Uşaq Qaynar Xəttinin şəhərdaxili nömrəsinə şəhərdaxili telefonlardan edilən zənglər pulsuzdur, AzerCell nömrəsindən edilən zənglər də eyni qayda ilə pulsuzdur. Bu nömrələrə günün istənilən vaxtı zəng edə bilərsiniz. Ola bilsin ki, bəzən xətt məşğul olsun. Xahiş edirik ki, bir daha zəng vurmağa cəhd edəsiniz və bizlərdən kimsə sizə cavab verəcəkdir.

Uşaq Qaynar Xəttinə zəng edərək nə ilə bağlı danışmaq olar?
Əgər Siz ruh düşkünlüyü və ağrı hiss edirsinizsə, qorxursunuzsa və nə demək istədiyinizi bilmirsinizsə danışmaq çətindir. Siz danışdıqdan sonra Qaynar Xəttin məsləhətçiləri mümkün olan kömək və yardımı Sizə göstərəcəklər. Bizə zəng etdikdən sonra, bir neçə şey etməlisiniz ki, biz Sizə kömək edə bilək: İmkan daxilində elə yerlərdən zəng edin ki, heç kim Sizə mane olmasın və danışığınızı yarımçıq kəsməsin.

Əgər küçədən, ictimai telefonla zəng edirsinizsə, mümkün qədər maşınların az səs etdiyi yeri seçin. Bu, məsləhətçilərin Sizi daha yaxşı eşitmələrinə yardım edər. Zəng etməmişdən öncə nə deyəcəyinizi ətraflı götür-qoy edin. Siz istənilən zaman zəng edə bilərsiniz, amma ilk növbədə nə demək istədiyiniz barədə düşünməniz Sizə yardım edə bilər.

Kiminlə danışa bilərəm?
Bir çox hallarda Uşaq Qaynar Xəttin əməkdaşları adi şəxslər olur, lakin onlar ilin hər günü, 24 saat ərzində öz vaxtını Sizin zənglərinizə cavab verərək, yardım göstərməyə hazır olan şəxslərdir. Uşaq Qaynar Xəttinin məsləhətçiləri: Sizə dinləyərək, Sizə cavab verməyə hazır olan;

Etibar edə biləcəyiniz; Sizi aşağılamayan və ittiham etməyən;
Probleminizi qəbul etməyi bacaran; Problemi dərk edən;
Kömək və yardım etmək üçün ixtisaslaşan;
Qaynar xəttə daxil olan zənglərə nəzarət edən şəxslərdir.

Uşaq Qaynar Xətti ilə əlaqə yaratmağın digər yolları
Uşaq Qaynar Xəttinin şəhərdaxili nömrəsi - 480-22-80 və ya 050-680-22-80 AzerCell mobil operatorunun nömrəsidir. Ola bilsin ki, bəzən xətt məşğul olsun. Xahiş edirik ki, bir daha zəng vurmağa cəhd edəsiniz və bizlərdən kimsə sizə cavab verəcəkdir.

Evi tərk edən uşaqlar üçün xüsusi telefon nömrəsi
Biz evi tərk etmiş uşaqlar üçün xüsusi nömrə yaratmışıq. Bu nömrə himayədar ailədə, uşaq evində, internatda və uzun müddət xəstəxanada olan uşaqlar üçündür. Siz Uşaq Qaynar Xəttinin 480-22-10 nömrəsinə adi günlərdə saat 13.30-dan 18.30-a kimi, həftə sonlarında isə 14.00-dan 18.00-a kimi zəng edə bilərsiniz. Siz həmçinin Uşaq Qaynar Xəttinin şəhərdaxili nömrəsi olan 480-22-80 və ya 050-680-22-80 Azercell mobil operatorunun nömrəsindən də zəng edə bilərsiniz.